حد قالك ماتعملش كده ؟؟؟؟؟؟؟؟

واحد راح يبات هوا و المدام فى الهيلتون ليلة
تانى يوم الصبح بيطلب من موظف الاستقبال الحساب و دار بينهم هذا الحوار :

الرجل : الحساب كام من فضلك ؟
الموظف : 1000 بس يافندم
الرجل : ألف جنيه ليه يا أستاذ ... كتير قوى مبلغ ألف جنيه فى ليلة
دى كانت ليلة واحدة يا محترم

الموظف : أجرة المبيت فى الليلة بـ 400
الرجل : طب و الـ 600 الباقيين ليه بقى إن شاء الله ؟؟
الموظف : عندك 100 أجرة الموظفين اللى بيشيلوا الشنط
سيادتك لما نزلت من التاكسى مش كان فيه شيالين بيشيلوا الشنظ منتظرينك ؟
الرجل : أما غريبة و الله ... بس أنا شيلت الشنطة بنفسى و ماحدش شالهالى
الموظف : ماهو كانوا موجودين قدام سعادتك .. ما ناديتش عليهم يشيلولك الشنطة ليه ؟؟

الموظف مستطرداً... هاكمل لحضرتك باقى المبلغ
عندك 50 إستعمال سجاجيد السجادة اللى من غرفة حضرتك للمطعم
الرجل : أنا ما مشيتش على سجاجيد أنا كنت بامشى على الحتة الفاضية اللى مش مغطياها السجادة
الموظف : ماهى السجادة كانت عند سعادتك .. ما مشيتش عليها ليه ؟؟

الموظف : و عندك 200 إستخدام حمام السباحة
الرجل : بس احنا ما نزلناش عومنا فى الحمام خالص .. هوا احنا وش عوم و مايوهات
الموظف : حضرتك حمام السباحة كان قدام سعادتك ما نزلتوش عومتوا ليه ؟؟

الموظف : و عندك 100 إستعمال التليفزيون و قنوات الدش و الريسيفر فى الأوضة
الرجل : دش ايه اللى انت جاى تقول عليه !
احنا ما شغلناش امبارح غير القناة الأولى و التانية .. هوا كان فيه دش !!
الموظف : قنوات الدش كلها كانت عند سعادتك ما اتفرجتش عليها ليه ؟

الموظف : و عندك 150 إستعمال سخان الميه اللى بالكهربا فى الأوضة
الرجل : الدنيا كانت حر أصلاًُ و ما أستعملناش السخان فى حاجة
الموظف : مالناش دعوة .. السخان كان عند سعادتك ما إستعملتوش ليه ؟؟
الرجل : أما شيىء سخيف قوى

انتظر الرجل لـ لحظات ثم أخرج له 1000
الرجل : عد دول لو سمحت
الموظف : دول 1000

اخذ الرجل المبلغ مرة اخرى واعطى الموظف 400 فقط

الموظف : يا فندم انا عديت المبلغ كان 1000 وحضرتك اخذته واعطيتنى 400 فقط ممكن ال 600 الباقيين لو سمحت

الرجل : الـ 600 الباقية كانت معاك ما اخذتهمش ليه

قصه لطيفه

ميرسى

وايه رايكو فى حد راح فندق شبرد برده لليله واحده
وبرده دفع 1000 جنيه ويمكن اكتر
ومشى قبل ميعاده يعنى قبل مايتم الليله
يتقهر ولا مايتقهرش

NhnH كتب:

وايه رايكو فى حد راح فندق شبرد برده لليله واحده
وبرده دفع 1000 جنيه ويمكن اكتر
ومشى قبل ميعاده يعنى قبل مايتم الليله
يتقهر ولا مايتقهرش

ايوه ايوه انا عارفه الراجل ده

[i]

وانا كمان عارفاه هو اللى غلطااااااااااااااان

حد قاله مايعدش

[/i]

bhbahany كتب:

[i]

وانا كمان عارفاه هو اللى غلطااااااااااااااان

حد قاله مايعدش

[/i]

ماشية ما اسم الموضوع

حد قالك ماتعملش كده ؟؟؟؟؟؟؟؟